Epidemiologu Ilir Alimehmeti ka folur sërish ditën e sotme në lidhje me situatën e pandemisë së COVID-19.
Alimehmeti është shprehur se për dozën e tretë të pandemisë, të dhënat janë indirekte dhe se ajo që është më e rëndësishme sipas tij është efektiviteti në raport me të sëmurët që janë të shtruar në spitale dhe vdekjet. Gjithashtu epidemiologu ka thënë se kundër dozës së tretë të vaksinës është edhe OBSH-ja, pasi duhet të marrin doza vaksine edhe ata persona që nuk janë vaksinuar fare.
Alimehmeti i ftuar në studion e “Ora News” është shprehur se duhet të merret parasysh imuniteti natyror
“Për dozën e tretë të dhënat janë indirekte. Ne na intereson efektiviteti, pra në raport me të sëmurët në spitale dhe vdekjet. Të dhënat deri më tani janë bazuar në atë që quhet efikasitet mbi prodhimin e antitrupave. Në raport me vaksinat Pfizer dhe AstraZeneca, personat që e kanë kaluar duket se ky diskutim nuk qëndron. Kemi edhe OBSH-në kundër dozës së tretë sepse duhet të marrin ata që nuk janë vaksinuar fare. Ndërsa kinezët kanë dalë në përfundimin se pas 6 muajsh te të moshuarit bien shumë anti-trupat.
Këto janë prova indirekte në fakt. Ka edhe një diskutim tjetër; nëse një person është i dobët dhe nuk ka krijuar një imunitet ose ka sëmundje, a mund ta krijojë një imunitet nëse bën edhe një vaksinë të tretë? Kjo nuk duhet të jetë në kurriz të personave që nuk kanë marrë një vaksinë. Ne nuk duhet të flasim vaksinë jo vaksinë, por imunizim natyror. Duhet të marrim parasysh imunitetin natyror, sepse nuk kemi vaksina bllokuese të infektimit, por parandaluese të mortalitetit”, u shpreh Alimehmeti për Ora News.
