Në në konferencë për shtyp, kryeministri Edi Rama ka folur lidhur me zbulimin e naftës në Shpirag të Fierit, duke e konsideruar si një investim fantastik që do të ndikojë edhe në fusha të tjera të vendit.
Por ndër të tjera ai është gjendur përballë pyetjes nesë do të ulet çmimi i naftës në tregun vendas pas zbulimit të naftës në Shpirag. Rama është shprehur se është për t’u çuditur që drejtuesit e mjeteve nuk paguajnë asnjë taksë e nuk mund të flitet për përfitime të tjera.
“Kemi disa skenarë e do të ishte e tepërt që këta skenarë të diskutohen sot për këtë arsye kompania është strikte deri në pasjen e një rezultati përfundimtar. Me ndihmën e zotit testi të jetë i suksesshëm dhe të jetë i mjaftueshëm për të justifikuar gjithë këtë investim kolosal. Ata që punojnë nuk e kanë arritur ende nivelin e ujit që është nën rezervë dhe metrat e ujit nënë rezervë përkthejnë sa e madhe është rezerva. Impakti i investimit në vetvete, 7 mld deri në përfundim të të gjithës është investim masiv e kolosal që do të thotë shumë punë e fonde për njerëzit e punonjësit. Shumë zhvillime në infrastrukturë e investim”, u shpreh Rama.
