Dialogu mes Serbisë dhe Kosovës mbetet m,e pikëpyetje të mëdha, për shkak edhe të situatë së krijuar së fundmi në lidhje me reciprocitetin e targave që vendosi Kosova më 20 shtator. Por pavarësisht këtyre duhet që fillimisht që të pranohen disa rregulla që duhet të përcaktohen nga të dyja palët.
Serbia e ka thënë vazhdimisht që nuk lëviz nga qëndrimet e saja në lidhje me çështjen e targave. Nga ana tjetër presidenti Aleksandër Vuçiç, i është përgjigjur thirrjes që ka bërë Albin Kurti për gjetjen e një zgjidhje përfundimtare dhe në interes të dy shteteve.
“A e dërgoi Serbia ushtrinë? A e dërgoi Serbia policinë? A sulmoi Serbia dikë? A bëri Serbia ndonjë veprim të njëanshëm? Ne nuk bëmë asnjë nga këto”, tha Vuçiç.
Më tej Vuçiçi ka thënë se i njeh të gjithë llojet e atyre që sipas tij shesin mjegull.
“E kuptoni se çfarë po flet ai? Po flet për njerëz që nuk janë të njohur me faktet dhe po shet mjegull. I njoh të gjithë llojet e atyre që shesin mjegull dhe shkesëve në jetën time dhe prandaj i njoh ata sapo i shoh. Ai thotë se do t’i heqë masat kur Serbia të njohë Kosovën e pavarur”, u shpreh presidenti i Serbisë.
Në përfundim Vuçiçi ka thënë se nuk do të ndryshonte mendje për të njohur Kosovën edhe sikur Shën Pjetri ta marri në telefon. “Ne i kemi përmbushur detyrimet, ndërsa Prishtina jo, dhe kjo është më e rëndësishmja. Edhe Shën Pjetri të më telefonojë, nuk do të ma ndryshojë mendjen, pasi zgjidhja e vetme është tërheqja e njësive speciale, në të kundërt nuk do të flasim”.
