Janë zbardhur detaje të reja nga vrasja e shqiptarit Santino Xhyra ditën e djeshme në Itali. Mediat italiane bëjne me dije se policia ka arerstuar një 39-vjeçar me kombësi shqiptare. Person ii arrestuar mësohet të jetë Shaban Fejza, i cili u identifikua pas deklaratave të dëshmitarëve okularë dhe fqinjëve të viktimës.
Bëhet e ditu se Fejza kërkonte të merrte me qira banesën ku jetonte Xhyra së bashku me një mikun e tij. Por pronari i banesës nuk ka pranuar pasi pretendonte se të rinjtë shqiptarë nuk i kishin paguar qiranë. Pronari i kishte kërkuar Fejzës që ta ndihmonte t’i merte detyrimet të rinjve shqiptarë e më pas do ta linte.
Pronari i shtëpisë dhe Fejza u përballën me dy të rinjtë dhe gjatë debatit 39-vjeçari e ka qëlluar me shuplakë Xhyrën duke nxitur kështu përplasjen. Pasi Xhyra e goditi me grusht, Fejza shkoi të merrte armën e zjarrit me të cilën qëlloi për vdekje të riun.
Xhyra u qëllua me armë zjarri tre herë, në gjoks e në bark. Ai u dërgua me urgjencë në spital, por nuk mundi t’i mbijetonte plagëve të marra. Ai u vra në afërsi të shëtpisë ku jetonte, në qytetin e Barit, në “Via Petrelli”. 28-vjeçari nuk rezultonte pjesë e ndonjë organizate kriminale, megjithëse kishte pasur disa precedent të mëparshëm penal.
