Presidentja e Kosovës, Vjosa Osmani ka zhviluar ditën e sotme jë takim Zëvendës Ndihmës Sekretarin në Byronë e Çështjeve Evropiane dhe Euroaziatike, njëherësh përfaqësues special për Ballkanin Perëndimor në Departamentin Amerikan të Shtetit, Matthew Palmer.
Në takimin që u mbajt virtualisht, presidentja e Kosovës ka foluar edhe për sigurimin e vaksinave nga ana e Kosovës, duke thënse sigurimi i tyre në sasi të mjaftueshme për qytetarët e ringritja ekonomike pas pandemisë duhet të jenë prioritete të institucioneve të reja.
“Përderisa Palmer u dakordua me Osmanin që institucionet e reja duhet të fokusohen në luftimin e korrupsionit, në adresimin e pandemisë, në ringritjen ekonomike dhe në krijimin e vendeve të punës, ai njëkohësisht theksoi rëndësinë e angazhimit aktiv në dialog, ngaqë kjo do të dëshmojë përkushtimin e Kosovës për të kontribuar në stabilitet, paqe dhe progres brenda vendit si dhe në rajon. Sa i përket dialogut Kosovë – Serbi, u.d. Presidentja tha se në Kosovë është mirëpritur jashtëzakonisht shumë qasja e qartë e Presidentit Biden se dialogu duhet të përqendrohet në njohjen reciproke, ndërkaq shtoi se institucionet e Kosovës duhet të flasin me një zë, e në këtë kontekst përmendi rëndësinë e bashkëpunimit me opozitën e me shoqërinë civile si dhe koordinimin e vazhdueshëm me aleatët tanë.”, thuhet në njoftim.
Matthew Palmer ka thënë nga ana tjetër se në procesin e Dialogut me Serbinë, SHBA do të jetë e përfshirë si partnere qëndrimet e saj do të koordinohen me ato të BE.
