Edi Rama i ka dërguar një letër Asamblesë së PS së Vlorës, duke shkruar që Kryetari i Bashkisë së Vlorës Dritan Leli të mos lejohet në fushatën elektorale.
Rama ka njoftuar që Leli nuk është më pjesë e tyre dhe ndaj nuk do të dalë në fushatë me të dhe Damianin.
“Dritan Leli nuk është më pjesë e jona. Me mua dhe Damianin nuk do të dalë në fushatë. Nëse ka preferencë për ndonjë kandidat privatisht le ta ndihmojë, por jo me ne.”, thuhet në mesazhin e Ramës
Ky mesazh dhe kërkesë që Leli të mos jetë pjesë e fushatës së Partisë Socialiste vjen pas refuzimit që Kryetari i Bashkisë së Vlorës i ka bërë Ramës, për të qënë kandidat në qytetin bregdetar.
Të hënën pak minuta para zyrtarizimit të listës së kandidatëve të PS për deputetë në 12 qarqe, kryeministri Edi Rama i pyetur se çfarë kërkese apo propozimi të ri i ka bërë Dritan Lelit, tha se është e vërtetë që e ka propozuar, por ai nuk e ka parë të arsyeshme të bëhet pjesë e skuadrës dhe se me të, pa të skuadra në Vlorë do realizojë objektivin bazë.
“Në formimin e një skuadre ka dinamika të brendshme. Këtu nuk ka rëndësi fare se çfarë ka menduar njëri apo tjetri. Është e vërtetë që unë i kam propozuar që ai të bëhet pjesë e skuadrës, nuk e ka parë të arsyeshme, është zgjedhja e tij. Me të, pa të skuadra jonë në Vlorë do realizojë objektivin bazë dhe do shkojë shumë afër objektivit maksimal që është plotësisht i mundur sipas meje, s’ka asnjë problem”, deklaroi Rama.
Kandidatët e PS në qarkun e Vlorës
1. Pranvera Resulaj
2. Anduel Tahiraj
- Vullnet Sinaj
4. Anila Denaj
5. Niko Kuri
6. Ilir Metaj
7. Damian Gjiknuri
8. Edi Rama
9. Teuta Rama
10. Ervis Mocka
11. Alket Hyseni (u tërhoq)
12. Laura Ferhati
