Prefekti i Tiranës, Toni Gogu ka dhënë dorëheqjen nga drejtimi i prefekturës pas përfshrjes në listën e kandidatëve për deputetë të Partisë Socialiste. Në vendin e tij është zgjedhur tashmë një tjetër emër i njohur, Mersin Muratj.
Emërimi i tij në krye të Prefekturës së Tiranës është bërë ditën e sotme nga Këshilli i Ministrave. Ky vendim vjen pasi Murataj ka drejtuar për një kohë të gjatë një tjetër instityucion të qeverisjes vendore, atë të Qarkut të Tiranës.
Së fundi Murataj ka drejtuar Drejtorinë e Administrimit dhe Mbrojtjes së Tokës të Qarkut Tiranë, funksion i deleguar i qeverisë përmes Ministrisë së Bujqesisë. Ai ka drejtuar edhe më herët sektorë të ndryshëm të bujqësise në zona si Kamëz, Vorë etj.
Kujtojmë që në Qarkun e Tiranës listën e Partisë Socialiste për zgjedhjet e 25 prillit e kryesojnë Luljeta Bozo e Najada Çomo, të cilat janë prurje të reja në PS. Pas tyre vijnë me radhë Ervin Bushati, Ogerta Manastirliu, Arben Ahmetaj, Ulsi Manja, Etilda Gjonaj, Arben Pëllumbi, Elisa Spiropali dhe Belinda Balluku. Toni Gogu renditet i 11-i në listën e kryeqytetit. Ndërkohë, kryeministri Rama do të kandidojë në qarkun e Vlorës dhe të Durrësi, i renditur në vendin e 8-ë në të dyja.
