Kryeministri Edi Rama ka dalë ditën e sotme në një konferencë ku ka zbuluar edhe sloganin e Partisë Socialiste për zgjedhejt e këtij viti. Ai ka thënë se ky përfundim u arit pas disa konkluzioneve dhe anketimeve.
“Dëshiroj të bëj një përmbledhje të ditës së djeshme si një moment, ku është bërë shumë i qartë dallimi mes formacioneve që hyjnë në fushë. Së pari, pas një procesi jo të shkurtër konsultimesh me publikun përmes anketimeve, fokus grupeve dhe kontakteve me kategori të ndryshme, kemi arritur në konkluzionin që “Shqipëria, e ardhmja jonë”, është motoja që karakterizon më mirë se sa disa opsione të tjera që kishim përpjekjen tonë për mbajtjen e kësaj përpjekjeje dhe orientimin e kësaj përpjekjeje”, tha Rama.
Ai gjithashtu është shprehur se Shqipëria e 2030 do të ejtë zgjedhja e parë e çdo shqiptari dhe do të kapërcehet faza e emigracionit.
“Shqipëria e 2030 do të jetë zgjedhja e parë e cdo shqiptari dhe jo emigracioni të jetë zgjedhja e shumëkujt që për 1001 arsye legjitime preferon emigracionin dhe jo Shqipërinë…Kështu hap pas hapi Shqipëria e kësaj dekade ta kapërcejë këtë fazë të përkufizuar nga emigracioni.”, u shpreh Rama.
Ndër të tjera kryeministri ka thënë se PS ka një skuadër që reflekton vetëndryshimin që u ghend nën drejtimin e Nanos dhe ai ka punuar fort për këtë bindje.
