Ditën e sotme, në një fjalim për “Aktivitetin e Drejtësisë”, deputetja Vasilika Hysi jep dorëheqjen nga PS dhe politika pas 12 vitesh.
“Unë ndihem shumë krenare që i’u bashkova Partisë Socialiste. Unë kam pasur privilegjin të jem anëtare e komisionit të Reformës në Drejtësi. E vetmja grua. Etildën kam pasur mundësi ta njihja në pjesën e sekretariatit. Sot jam shumë krenare që mundëm t’ia dilnim sikurse parashikuam që kësaj reforme do i vendoseshin shumë shkopinj në një rrotë.
Kur filloi reforma në drejtësi unë kisha 30 vite ekspriencë në mësimdhënie. Unë sot ndihem shumë e privilegjuar. Nëse do më lejoni të them dhe diçka. Ndihem e privilegjuar që kam qenë pjesë e kësaj reformë që ju zoti kryeministër më keni besuar. Keni mbështetur dhe promovuar gratë dhe vajzat. Në skuadrën e PS kemi pasur elementë të mirë.
Ndihem e kënaqur që kam punuar me Klodin, Etildën dhe Tonin që kanë qenë tre studentë të shkëlqyer. Do doja t’ju falënderoja juve. Ne merrnin urime nga qytetarë që nuk ndanin të njëjta bindje politike me ne. Ne merrnin vlerësime për reformën në drejtësi. Unë kam një mirënjohje për të gjithë njerëzit e ndershëm që na kanë mbështetur. Më e rëndësishmja është momenti i zbatimit të reformës në drejtësi.
Ne ja kemi dalë falë mbështetjes, këmbënguljes dhe programit të Partisë Socialiste. Më lejo të falënderoj në mënyrë të veçantë ata që na kanë votuar. Na kanë mbështetur shumë socialistë të ndershëm. Ju falënderoj ju që këmbëngulët të më merrnit në politikë. Falenderim të veçantë strukturave. Unë jam kryetare e njësisë. Asamblenë, grupin parlamentar dhe besoj nuk i ngelet askujt hatri. Kam punuar me Gramoz Ruçin që për mua ka qenë një shkollë e dytë. PS do të jetë model për mandatin e tretë. Nga unë do të keni mbështetjen maksimale. Mos më kurseni nëse mendoni se mund të kontribuoj”, tha Vasilika Hysi.
Gjithashtu, Edi Rama është shprehur se Vasilika Hysi ka vendosur t’ju hapë rrugën të rinjve dhe se me gjithë konsideratën që ka për të tha se ajo kishte një rol kyç.
“Sot jam i emocionuar pasi Vasilika, më ka bërë me dije se ka vendosur t’ju hapë rrugën kalamajve. Kështu që me të gjithë konsideratën, me atë që kemi bërë në reformën në Drejtësi ti ke një rol kyç për c’ka kemi bërë për reformën në drejtësi. Po ta kaloj fjalën, mund ta heqësh maskën se unë jam i vaksinuar”, tha Rama.
