Kryetari i Partisë Demokratike Lulzim Basha, ka zhvilluar ditën e sotme një vizitë në një familje pensionistësh, ku bashkëshortja e kryefamiljarit ishte e shtrirë në shtrat prej sëmundjes së ishemisë cerebrale.
Bashkëshorti i saj ka treguar gjithashtu edhe për shpenzimet që ka për t’i ardhur në ndihmë, duke përmendur se bashkëshortja e tij i duhej të bënte 30 seanca në muaj që kushtojnë rreth 60 mijë lek të reja, përpos shpenzimeve të tjera shtesë.
Kreu i PD, Lulzim Basha i premton se do të ketë zgjidhje për të dhe për bashkëshorten e tij.
Basha tha se do të vendosë një qeveri që të mundësojë kujdesin bazë për të gjitha rastet, por konkretisht për moshat e treta. Gjithashtu, nuk la pa ironizuar Kryeministrin Edi Rama duke përmendur taksat e shpërndara për oligarkët, ku Kryeministri në një bashkëbisedim me qytetarët e Korçës është shprehur se fjala oligark nuk është sa para ke, por është një pushtet i ushtruar përmes influencës si aktor në treg jo përmes mandateve të përfaqësimit dhe në këtë sens nuk ka oligarkë në Shqipëri, sepse nuk ka në Shqipëri njerëz të pasur që marrin vendime për llogari të qeverisë
“Ne do të ngremë një qeveri që kujdeset për njerëzit, jo për veten e saj. Rama ua shpërndan taksat oligarkëve. Nuk ka asgjë për dinjitetin njerëzor në qeverisjen e tij. Ne do të mundësojmë që në veçanti mosha e tretë të ketë kujdesin bazë për të gjitha rastet. #SHQIPERIAFITON”, shkruan Basha në “Facebook”.
