Pse disa njerëz kontraktojnë forma shumë agresive të Covid-19 ndërsa të tjerët janë asimptomatike ose nuk sëmuren fare, duke qenë të ekspozuar ndaj të njëjtit virus? Kjo është një nga pyetjet që shkencëtarët në Universitetin e Tor Vergata në Romë po përpiqen t’i përgjigjen në bashkëpunim me kolegët e tyre nga e gjithë bota, me besimin se kjo është një nga çështjet thelbësore për t’u adresuar në mënyrë që të mposhtim pandeminë. Profesori Giuseppe Novelli, gjenetikist i njohur ndërkombëtarisht dhe ish rektor i universitetit Romak, shpjegoi karakteristikat e studimit për Fanpage.it: “Që nga fillimi i urgjencës shëndetësore kemi vërejtur që jo të gjithë sëmuren në të njëjtën mënyra: ekzistojnë në të vërtetë asimptomatike, ata që raportojnë simptoma të lehta dhe për fat të keq edhe ata që duhet të shtrohen në spital në kujdes intensiv dhe fatkeqësisht shpesh vdesin. Virusi është i njëjtë, por ndryshimi bëhet nga i infektuari”, shpjegoi Noveli.
Kush janë njerëzit rezistentë ndaj virusit?
Studimi i kryer nga shkencëtarët italianë në bashkëpunim me kolegët nga Universiteti Rockefeller në New York dhe institucione të tjera synon veçanërisht kërkimin e njerëzve “rezistentë” ndaj virusit, plotësisht ekzaminimin në ADN-në e tyre dhe të kuptojnë pse arrijnë të shmangin sëmundjen dhe infeksionin, ndërsa janë të ekspozuar qartë ndaj virusit. Hulumtimi, në veçanti, u përqëndrua në ato subjekte që kanë ardhur nga kontakte shumë të ngushta me koronavirusin, për shembull duke jetuar së bashku me një person të infektuar pa veshur pajisje mbrojtëse:
“Ne kemi kryer një studim shumë të rëndësishëm për të kuptuar pse ka ndryshime shpesh shumë të mëdha në mesin e njerëzve të ekspozuar ndaj të njëjtit patogjen dhe kemi zbuluar se 10 përqind e atyre që zhvillojnë forma të rënda kanë një defekt gjenetik në prodhimin e interferonit, i cili është linja e parë e mbrojtjes që ne prodhojmë. Pa interferon është më i lehtë infektimi i rëndë”, shpjegoi profesor Novelli.
