Në 25 shkurt ora 10:00 do të zhvillohet seanca e parë e gjykimit ndaj Klement Balilit, i njohur ndryshe si “Eskobari i Ballkanit”.
Treshja gjykuese e përcaktuar përmes shortit do të kryesohet nga Flora Hajredinaj dhe dy gjyqtarë të tjerë Liliana Baku dhe Ardit Mustafai.
Mbi të rëndojnë akuzat për “trafik të narkotikeve”, “grup të strukturuar kriminal”, “mosdeklarim të pasurisë” dhe “pastrim parash”.
Pak ditë më parë avokati i Balilit, Theodhori Sollaku dorëzoi një kërkesë për gjykim të shkurtuar, por seanca u ndërpre me pretendimin se Balili ka dashur që ta bëjë personalisht këtë kërkesë.
Dorëzimi i Klement Balilit ndodhi pikërisht në momentin kur dhe Prokuroria për Krimet e Rënda sapo kishin mbyllur hetimet dhe kishin dërguar dosjen për gjykim.
Pas pothuajse tre vitesh arrati, Klement Balili u vetëdorëzua me 15 janar dhe kjo ngjarje bëri bujë jo vetëm në mediat vendase, por edhe ato ndërkombëtare.
