Ish fabrika e trikotazhit në qytetin e Korçës është përfshirë nga flakët më herët gjatë ditës së sotme. Ngjarja dyshohet të ketë ndodhur si pasojë e lëndëve kimike gjatë mesdtës së sotme në lagjen Nr.9 të qytetit jug-lindor.
Nuk është hera e parë që diçka e tillë ndodh në këtë zonë, ndërsa pritet që të paktën 10 familje të nxirren nga banesat për shkak se janë të rrezikuar nga helmet që lëshojnë mbetjet kimike. Bëhet e ditur se lëndët kimike të krijuara nga zjarri që shpërtheu, hyjnë në reaksion me njëra-tjetrën nga prania e faktorëve të jashtëm siç mund të jenë lagështira apo tempreatura dhe një gjë e tillë mund të çojë në çlirimin e gazit me përmbajtje kimike që rrezikon të dëmtojë banorët që janë aty pranë.
Banorët e zonës kanë bërë apel që kjo situatë të zgjidhet nga institucionet përkatëse pasi kjo nuk është hera e parë që diçka e tillë ndodh. Ata kanë thënë se është e pamundur që të jetojnë në këtë situatë pasi iu rrezikohet jeta nga helmet.
“Është e pamundur të jetojmë në këtë situatë. Është përsëritur shumë herë. Na rrezikohet jeta nga helmet. Të bëhet diçka për ta zgjidhur,”–kanë deklaruar banorët e zonës për mediat.
