Mjeku i QSUT që u dhunua ditën e sotme nga familjari i një pacienti ka folur për abc news duke thënë se kjo nuk është hera e parë që diçka e tillë i ndodh atij. Mjeku Petrit Gjorgji ka thënë se ngjarja ka ndodhur pasi i riu që e dhunoi, e pa duke kapur pacientin nga këmbët për ta vednosur në krevat. Gjorgji ka thënë se kanë ndërhyrë mjekët e infermierët për ta ndaluar dhe më pas ai e ka denoncuar 24-vjeçarin në polici. Mjeku ka thënë se një rast i tillë i ka ndodhur edhe në vitin 2004 dhe kjo gjë duhet të ndalojë ndaj bluzave të bardha, prandaj ai kërkon drejtësi.
“Kishim një pacient për veshkat. Në një moment ka rënë nga krevati dhe me ndihmën e kolegëve të tjerë kemi shkuar për ta ndihmuar. Për ta ngritur, unë e kapa jo të gjithë trupin, por nga këmbë dhe e vendosëm sërish në krevat. Një i afërm, që nuk po i shërbente e pa dhe ka ardhur më ka goditur nga pas. Ndërhynë mjekët dhe infermierët. Denoncova dhe erdhi policia që e ka marrë”, tha mjeku. Është rast i përsëritur për mua. Më ka ndodhur edhe në vitin 2004. Kjo nuk mund të ndodhë me bluzat e bardha. Unë do e ndjek çështjen, duhet të bëhet drejtësi”- ka thene mjeku.
