Ditën e sotme ka qarkulluar në rrjet një video ku drejtuesi i një autobusi të linjës së transportit publik të Kombinatit kthente autobusin në mes të rrugës në mënyrë të rrezikshme duke hipur mbi trafikndarëse. Pas pamjeve të publikuara në rrjet ka reaguar edhe Policia e Shtetit e cila njofton se është bërë identifikimi i autobusit dhe drejtuesit të tij. Ndërkohë, Policia Rrugore pas kryerjes së veprimeve të nevojshmee ka proceduar me pezullim të lejes së drejtimit shoferin me iniciale S.N.
Njoftimi i plotë i Policisë së Shtetit:
Nisur nga pamjet e publikuara në disa media sociale, ku shfaqet një autobuz i një linje të transportit publik qytetas duke kapërcyer trafik ndarësin në një nga rrugët kryesore urbane të kryeqytetit, Policia Rrugore e Tiranës ka bërë të mundur identifikimin e autobuzit dhe të drejtuesit të tij.
Pas kryerjes së verifikimeve të nevojshme, Policia Rrugore ka proceduar me pezullimin të lejes së drejtimit, drejtuesin e autobuzit, shtetasin S. N., për shkeljen e parashikuar në nenin 174 të Kodit Rrugor të Republikës së Shqipërisë “Kthimi i sensit të lëvizjes dhe kapërcimi i trafikndarësit, edhe aty ku ai mungon, si dhe kalimi në karrexhatë ose pjesë të saj në sens lëvizjeje të kundërt me atë të lejuar”.
https://streamable.com/8ep5w4
