Përfaqësues të ndryshëm të opozitës janë gjobitur me shuma të majme për shkak se kanë thyer masat e vendosura për parandalimin e përhapjes së koronavirusit. Më i fundit ka qenë Edmond Spaho, i cili u gjobit me 50 milionë lekë. Ndërkohë, gjobës nuk i ka shpëtuar edhe kryetari i Formuit Rinor Demokrat, Belind Këlliçi. Ai po ashtu është gjobitur me 50 milionë lekë gjobë pasi policia ka pretendimin se ka organizuar takim në ambiente të mbyllura me më shumë se 10 vetë. Këlliçi ka publikuar edhe fletën e gjobës duke thënë se Edi Rama, Veliaj, Sporopali e Balluku janë ata që po organizojnë takime me 100-200 vetë dhe policia kujdeset vetë për mbarëvajtjen e tyre. Kreu i FRPD shkruan se akti tjetër teatrat ka qenë edhe shfuqizimi i gjobës për Veliajn, pasi ato janë vetëm për opozitën.
Postimi i Këlliçit:
Kjo është gjoba 50 milionëshe për Opozitën!
Policia më ka gjobitur me pretendimin se kam shkelur fjalën-urdhër të kryeministrit, për organizim në mjedise të mbyllura me mbi 10 vetë.
Edi Rama i pari, dhe banda e tij me ne krye Veliajn, Spiropalin, Ballukun, po organizojnë takime me punonjës të administratës, me pjesëmarrje 100-200 vetë, ku Policia kujdeset vetë për organizimin, që nga vendosja e karrikeve deri te listë-prezenca e duartrokitësve.
Akti teatral i radhës ishte gjobitja ndaj Erion Veliaj. Komisioni i Ankimeve dhe Sanksioneve ka shfuqizuar dy dënimet me gjoba për Veliajn, sepse nuk ka konstatuar shkelje nga ana e Veliajt dhe ka shfuqizuar gjobat me 35 mijë lekë dhe 40 mijë lekë.
Gjobat janë vetëm për opozitën. Janë për këdo që i bën opozitë urdhërave të Ramës.
Keni edhe 66 ditë kohë per te vendosur gjoba antikushtetuese.
Pastaj ju pret 25 Prilli.
Asnjë hap pas 💪🏻
Gazeta Reforma ka denoncuar edhe më parë raste kur ministra të qeverisë Rama kanë shkelur masat e vendosura për kufizimin e përhapjes së pandemisë. Një nga ministret që i ka shkelur më së shumti masat ka qenë edhe Belinda Balluku, e cila thuajse në çdo takim nuk ka mbajtur maskë. Po ashtu kryetari i Bashkisë, Erion Veliaj ka organizuar herë pas here takime ku merrnin pjesë më shumë se 10 persona. Por siç duket, drejtësia nuk funksionon njëlloj për ata që kanë pushtetin.
Pa maskë sikur Covid nuk ekziston: Ministrja shkel ligjin me të dyja këmbët dhe nuk ndëshkohet
