Pas gjobitjes nga KQZ, të kryrebashkiakut Erion Veliaj, KAZ ka shfuqizuar sot gjobën në vlerën e 75 mijë lekëve të reja.
Kujtojmë se para disa ditësh, kreu i Bashkisë Tiranë, Erion Veliaj u gjobit për mosdeklarim dhe promovim të aktiviteteve, pas denoncimit të LSI për vizitat e kryebashkiakut në shtëpitë e rindërtuara nga tërmeti i 26 nëntorit 2019.
Në një prononcim për mediat, ai tha se do e ankimonte këtë vendim, pasi sipas tij ishte politik dhe i padrejtë.
Kreu KQZ-së, Ilirjan Celibashi u shpreh më herët se Veliaj nuk ka raportuar për një kohë të gjatë në këtë institucion. Sipas tyre kryebashkiaku ka promovuar aktivitete të ndaluara gjatë fushatës elektorale dhe mosdeklarim të tyre.
Veliaj u gjobit me 35 mijë lekë pasi nuk ka deklaruar aktivitetin që ka kryer gjatë fushatës në cilësinë e kryebashkiakut dhe drejtuesit politik në Tiranë, si dhe 40 mijë lekë për mosdeklarim të aktiviteteve të ndaluara.
Jo vetëm gjoba, por KQZ vendosi dhe ndalimin e një serie aktivitetesh 4 muaj para zgjedhjeve parlamentare. Ky pezullim vjen në një kohë që zgjedhjet parlamentare do të zhvillohen më 25 Prill, vetëm tre muaj larg.
Sjellim sërish në vëmendje se Veliaj është ndër politikanët që po i zhvillon të gjitha mbledhjet elektorale me prani të grupeve të mëdha, duke mos rrespektuar asnjë masë sigurie në kohë pandemie.
