Procesi i numërimit të votave në Kosovë po shkon drejt fundit, ndërsa Lëvizja Vetëvendosje kryeson bindshëm. Ndërkohë, në rrugët e Prishtinës ka nisur tashmë festa dhe turmat kanë dalë në rrugë entuziatë për fitoren. Tashmë Vetëvendosje kryeson me 49% të voatave, duke iu afruar 50% që i duhet për të formuar e vetme qeverinë.
Videot kanë pushtuar rrjetin ndërsa duken qytetarët me flamuj kuq e zi në duar dhe me qeleshe në kokë. Ata shfaqen duke festuar me këngë patriotike në sfond duke pritur me pa durim momentin e shpalljes së Albin Kurtit kryeministër.
E gjithë turma është duke brohoritu emrin e Kurtit, ndërsa Komisioni Qendror i Zgjedhjeve vazhdon ende numërimin. Lëvizja Vetëvendosje është e para në listë me rreth 49% të votave, ndërsa pas saj vjen Partia Demokratike e Kosovës me rreth 17.5% të votave. Ndërkohë, LDK-ja e Isa Mustafës renditet vetëm e treta duke pësuar një humbje të thellë. Lideri i saj reagoi pak më parë duke thënë se do bëhet një analizë e thëllë për humbjen e pësuar. Ndërkohë, deri tani në Kuvendin e Kosovës ka arritur të fitojë dhjetë vende edhe Lista Serbe. Mbeten ende pak vota për t’u umëruar teksa pjesëmarrja e qytetarëve në zgjedhje ka qenë e lartë, me 46.9% votues.
