Kosova përfudnoi procesin zgjedhor të ditës së sotme, teksa ka nisur edhe dalja e Exit Poll-eve të para. Vetëvendosje parashikohet fituese me një shumicë të votave, ndërsa mbështetësit e saj kanë nisur festën në Kosovë, në pritje të konfirmimit të fitores. Ata kanë mbushur rrugët dhe sheshet duke hedhur fishekzjarre dhe duke kërcyer në pritje të numërimit. Ndërkohë, nga Vetëvendosje ka reaguar edhe ish-ministrja e Drejtësisë, Albulena Haxhiu, e cila i ka kaërkuar qytetarëve që festën ta vijojnë në shtëpi. Haxhiu ka thënë ndër të tjera se fjala referendum për zgjedhjet ka qenë e duhura dhe se pjesëmarrja ka qenë e kënaqshme për demokracinë e Kosovës. Ajo i ka kërkuar qytetarëve që të mos rrinë më gjatë në sheshe, pasi temperaturat janë të ulëta dhe mund të ketë pasoja shëndetësore, duke mbajtur parasysh që vendi është duke kaluar një pandemi.
“Kemi pasur një ditë të gjatë me temperatura të ulëta. Kam një mesazh falënderimi dhe mirënjohje të thellë për qytetarët e Kosovës. Dalja e tyre ka qenë e kënaqshme për demokracinë tonë. Andaj mund të themi se fjala referendum ka qenë e qëlluar. Kërkojmë që festa e qytetarëve të vazhdojë nëpër shtëpitë e tyre. Kjo për shkak se në sheshe dhe në këtë temperaturë të ftohtë mund të kemi pasoja shëndetësore. Jemi në një situatë pandemike.”, ka thënë Haxhiu.
