Komisioni Qendror i Zgjedhjeve është duke publikuar të dhënat e daljes në zgjedhje në kohë reale.
Deri në këto momente dalje shumë më e madhe vërehet në tri komunat veriore të Republikës së Kosovës me shumicë serbe.
Në Leopsavik nga të dhënat e procesuara prej të gjitha vendvotimeve dalja në zgjedhje është 26.85 %,
Në komunën e Zveçanit ndërkohë dalja në zgjedhje është edhe më e madhe. Nga të dhënat e marra në 12 vendvotime sa janë gjithësejtë, dalja në zgjedhje është 33.22 %.
Edhe në Zubin Potok vërehet trend i njëjtë. Kur ende s’janë procesuar të dhënat edhe nga 2 vendvotime, përqindja e daljes në zgjedhje është 19. 59 %.
Kjo nuk vërehet tek komunat tjera që janë me shumicë shqiptare. Përqindja e daljes në zgjedhje shkon nga 7 deri në 10 %.
Derisa në gjithë Kosovën sipas KQZ’së kanë votuar 148 mijë e 595 qytetarë , apo 8.30 %.
Këto zgjedhje të parakohshme në Kosovë, janë zhvilluar në kushte të kqija atmosferike dhe në periudhe epidemie.
Pavarësisht kësaj, ato vijojnë të qeta dhe me një trend pjesëmarrjeje në rritje. Deri më tani nuk janë shkaktuar incidente problematike që të pengojnë zhvillimin në qendrat e votimeve.
E veçanta e këtyre zgjedhjeve është ngritja e një grupi të posaçëm i cili po e procedon punën nga spitalet deri në shtëpi të të prekurve me virus, në mënyrë që në votimet demokratike të jenë sa më shumë pjesëmarrës.
