Partia Social Demokrat e ish-deputetit Tom Doshit, ka depozituar sot kërkesën në KQZ për rregjistrim në zgjedhjet e e 25 prillit.
Thekosojmë se kjo kërkesë nga ana e ish-deputetit vjen pak ditë pasi ambasadorja e SHBA në Tiranë, Yuri Kim rikujtoi shpalljen e tij “non grata” nga departamenti amerikan i Shtetit.
Kërkesa është bërë me statusin e kryetarit të partisë edhe pse ambasadorja Kim kërkoi moskandidimin e tij në 25 prill.
“Ndërsa autoritetet zgjedhore të Shqipërisë përgatisin zgjedhjet, ia vlen të kujtohet ky njoftim, i bërë nga Sekretari Amerikan i Shtetit pas shqyrtimit të kujdesshëm të informacioneve të marra. Sigurisht, votuesit shqiptarë meritojnë më shumë se kaq“, shkruante dy ditë më parë ambasadorja Kim.
Ish-deputeti Tom Doshi ishte shkaku i përplasjes mes vetë kryeministrit Edi Rama dhe Yuri Kim. Rama iu përgjigj me tone të ashpra këresave të vazhdueshme të ambasadores Kim, duke i thënë se qeverisja e Shqipërisë nuk ishte punë për të.
“Ne kemi ligjin, zbatojmë ligjin. Përgjegjësia e kujtdo që gënjen në vetëdeklarim, është përgjegjësi individuale jo partie! Partitë nuk janë drejtori policie, por verifikojnë sipas ligjit dhe sipas ligjit i kemi bërë verifikimet gjithmonë. Nuk kemi ndërmend të ngremë salla torturash në selitë e partive, nëse dikush fsheh diçka”, shtoi më tej kryeministri.
Mesa duket Rama heziton të japë një përgjigje lidhur me një çështje mjaft të rëndësishme në vendin tonë, siç është spastrimi i listave të zgjedhjeve nga njerëzit e lidhur me krimin.
Kujtojmë se Tom Doshit i është ndaluar nga SHBA të udhëtojë në këtë vend, jo vetëm ai por dhe gjithë familja. Ish-deputeti është bërë tashmë pjesë e listave të yeya të Amerikës, si një dnër deputetët shqiptarë që fshehu 14 milionë euro pasuri.
