Këngëtraja e njohur me origjinë shiptare Eleni Foureira ka dhënë një intervistë ku ka treguar për paragjykimet që ka hasur në Greqi për shkak të origjinës së saj. Ylli ndërkombëtar ka thënë se ajo ka pasur frikë të mos pranohej dhe ndihej e dobët për shkak se mund të mos i jepeshin mundësi. Eleni ka thënë se e ka pranuar origjinën e saj të vërtetë vetëm në momentin ku e ka ndjerë se njerëzit e donin.
Pjesë nga intervista e këngëtares:
”Kur je një fëmijë dhe nuk pranohesh nga shoqëria për shkak të origjinës, ndihesh e dobët dhe ke frikë se nuk do të jepet mundësia. Kur kuptova që njerëzit e donin Elenin, ndjeva fuqinë për ta thënë atë.
Emri im i vërtetë është Entela Fureraj. Arrita në pikën kur kisha frika të them nga isha. Jo të gjithë më duan por ndihem mirë dhe me këtë. Jam krenare që kam lindur në Shqipëri, por Greqia është atdheu im, unë e dua. Është vendi që une e dua”, tha Eleni.
Eleni Foureira është tashmë e njohur ndërkombëtarisht edhe falë hitit të saj “Fuego”, me të cilin përfaqësoi Qipron në Eurovizion. 33-vjeçarja është me origjinë nga Fieri dhe është një ndër divat e muzikës në vendin fqinj.
