Marrëdhëniet e vendit tonë me Rusinë kanë qenë të tensionuara kohët e fundit, pasi kryeministri Rama ka refuzuar në mënyrë jomiqësore vaksinat e ofruara nga Ambasada Ruse dhe pasi është dëbuar një diplomat i këtij vendi.
Mediat e huaja bëjnë me dije se ka qenë Rusia ajo që këtë herë ka marrë “hak”, duke dëbuar një diplomat shqiptar nga vendi. Media ruse sputniknews.com shkruan se dëbimi është përgjigje për Shqipërinë që bëri të njëjtën gjë me të dërguarin rus, duke pretenduar se kishte shkelur masat e sigurisë të koronavirusit.
Kujtojmë që Rusia i ofroi Shqipërisë vaksinën e saj Sputnik V kundër COVID-19, por ajo u refuzua nga vendi ynë me arsyetimin se ky ishte një provokim. PR-i Ramës, Endri Fuga e bëri një deklaratë të tillë në mediat sociale. Ndërkohë, kanë qenë vendet e e Bashkimit Europian, mes tyre edhe Gjermania ato që kanë pranuar se mund të miratojnë vaksinën ruse në shtetet e tyre.
‘Sipas Ministrisë Ruse të Punëve të Jashtme, dëbimi i një diplomati shqiptar është në përgjigje të Shqipërisë që dëboi një diplomat rus me pretendimin e shkeljes së masave të koronavirusit në 21 janar 2021’.
Mësohet se ambasadori i Shqipërisë në Rusi u thirr në Ministrinë e Jashtme Ruse dhe i është komunikuar se një sekretar i ambasadës shqiptare është shpallur persona non grata. Personi që është dëbuar dhe është shpallur “non grata” është Jonida Drogu, sekretare e parë e ambasadës shqiptare në Moskë.
