Janë zbuluar detaje të reja për vrasjen e shqiptares Luljeta Heshta, ditën e djeshme në Itali. Bëhet e ditur se atutori ka qenë një person i veshur me të zeza.. Sipas medias italiane “Rassegna Stampa” prokuroria është vënë në kërkim të një burri që mendohet se është vrasësi, dhe kërkojnë ndihmë nga dëshmitarët që e kanë parë.
“Kushdo që e ka parë burrin që iku pas ngjarjeve të na kontaktojë. Ne po kërkojmë një burrë të veshur me të zeza që u largua pas krimit. Nuk dihet ende nëse autori ishte një klient i prostitutës shqiptare. Tani për tani, nuk ka asnjë hipotezë të përjashtuar, hetimet janë në proces,”– tha prokurori.
Dëshmitarët e krimit janë shprehur se e kanë parë burrin e veshur me të zeza duke e qëlluar shqiptaren me thikë e më pas të jetë larguar. “E pamë, ishte veshur me të zeza, e ndoqi dhe e qëlloi disa herë,”- mësohet të kenë thënë ata.
Luljeta Heshta u vra ditën e djeshme në hyrje të rrugës Pedriano në fshatin San Giuliano, zonë e njohur për prostitucion. 47-vjeçarja jetonte prej 10 vitesh në Itali ku edhe ushtronte prostitucionin. Ajo u qëllua me thikë në këmbë dhe në shpinë dhe nuk mundi t’i mbijetonte plagëve të marra, pavaërsisht ndërhyrjes së mjekëve.
