Kreu i opozitës, Lulzim Basha është takuar sot me ministrin e Jashtëm të Maqedonisë së Veriut, Bujar Osmanin.
Në një prononcim për mediat, Basha tha se do të vazhdohet roli së bashku si dy shtete që e kanë vazhduar krah për krah rrugëtimin e anëtarësimit në NATO dhe së shpejti do të jenë krah për krah për rrugëtimin në BE.
“Po kështu edhe në proceset e tjera politike, si integrimi europian dhe dëshirën e vullnetit tonë për të parë realizimin e masave dhe detyrimeve që burojnë nga marrëveshja e Ohrit, për shqiptarët padyshim, ky është vokacion i PD si në opozitë dhe qeveri.”- tha Basha.
Ndërsa ministri Osmani u shpreh se raportet tona shtetërore i kanë kaluar nivelet e miqësisë së mirë, por janë shndërruar në një partneritet dhe në fqinjësi të mirë.
“Raportet tona shtetërore i kanë kaluar nivelet e miqësisë së mirë, por janë shndërruar në një partneritet dhe në fqinjësi të mirë. Ka një afërsi mes njerëzve, bizneseve dhe institucioneve në të dyja anët e kufirit. Këto bashkëpunimi theksojnë aspiratat tona euroatlantike”, shprehet Osmani.
Ky takim i kryedemokratit Basha me ministrin maqedonas vjen në një kohë kur partitë e mëdha politike në vend po përgatiten për fushatën zgjedhore të 25 Prillit.
Prej dy vitesh larg pushtetit, Basha po mundohet të plotësojë “mungesat” që prej vitit 2019, kur vendosi sëbashku me aleatët e vetë të lindin mandatet e deputetit dhe duke hequr dorë kështu nga çdo e drejtë opozitare në vend.
