Kanë nisur hetimet për vdekjen e 34-vjeçarit Saimir Sula, i cili në maj të vitit të kaluar shkoi në Spanjë për kurim pasi dyshohej për COVID, ndërsa humbi jetën në një spital në Barcelonë dhe trupi i tij u kthye pa zemër. Kjo gjë u zbulua pas dyshimeve të motrës dhe kërkesës së saj për ekzaminim mjeko-ligjor në Tiranë.
Balkan Web shkruan se më 9 tetor Prokuroria pranë Gjykatës së Shkallës së Parë Tiranë ka regjistruar procedimin penal për veprën penale “Shitblerja e paligjshme e organeve”.
Salla operative në Tiranë ka njoftuar në 27 maj të vitit të kaluar për kryerjen e veprimeve pranë Institutit të Mjekësisë Ligjore Tiranë për kufomën e të ndjerit, shtetasit Saimir Sula me kërkesë të motrës së viktimës.
Familjarët kanë deklaruar se Saimir Sula ishte is the i shtruar në spitalin ‘Hospital Del Mar’ në Barcelonë, Spanjë ku edhe ka ndërruar jetë. Ai ishte shtruar aty pas dyshimeve për COVID edhe pse kishte rezultuar negative.. Gjithashtu thuhet se ai kishte qenë dhe përdorues i lëndëve narkotike.
Ndër të tjera nga dosja zbulohet se i ndjeri ka pasur probleme mendore dhe një psikiatre e vizitonte çdo dz ditë në shtëpi pasi kishte halucinacione. Nga ekspertiza nuk janë konstatuar shenja dhune në trup veçse prerjeve autoptike dhe ndryshimeve pas vdekjes.
Ndërkohë nga këqyrja e brendshme e organeve dhe të dhënave mikroskopi nga mjeko-ligjorët është konstatuar bronkopneumoni sero-deskuamative, aderanca pelurale në anën e djathtë të gjoksit, hepatit kronik persistent, autolizë e organeve, mungesë e zemrës.
Mjeko-ligjorët shprehen se “në mungesë të ekzaminimit të zemrës, i cili është një organ jetik dhe i rëndësishëm nuk mund të përcaktojmë shkakun e vdekjes së viktimës me saktësi shkencore”.
Nga analizat nuk janë zbuluar zbuluan metabolite të medikamentit haloperidol në gjakun e viktimës.
Prokuroria thotë se nisur nga provat ndodhemi përpara veprës penale “shitblerja e paligjshme e organeve” dhe se për të grumbulluar të dhëna të nevojshme lidhur me përcaktimin e faktit dhe rrethanave të kryerjes së veprës penale dhe identifikimit të autorëve të veprës penale është e domosdoshme kryerja e veprimeve të tjera hetimore.
Balkan Web
