Policia e Shkodrës ka arrestuar në flagrancë një shtetas 26-vjeçar që transportonte emigrant të paligjshëm. I riu u vu në pranga në kuadër të operacionit të koduar “Vukpalaj” nga strukturat e Drejtorisë Vendore të Policisë Shkodër, në bashkëpunim me Drejtorinë Vendore të Kufirit dhe Migracionit Shkodër. 26-vjeçari u arrestua në aksin rrugor Shkodër-Hani Hotit. Materialet hetimore i kaluan prokurorisë për veprime të mëtejshme.
Njoftimi i policisë:
Shkodër
Finalizohet operacioni policor i koduar “Vukpalaj”.
U kap duke transportuar emigrantë të paligjshëm, arrestohet në flagrancë drejtuesi i mjetit.
Nga strukturat e Drejtorisë Vendore të Policisë Shkodër, në bashkëpunim me Drejtorinë Vendore të Kufirit dhe Migracionit Shkodër, pas një pune të mirorganizuar u finalizua operacioni i koduar “Vukpalaj”, si rezultat i të cilit u arrestua në flagrancë shtetasi:
- , 26 vjeç, banues në fshatin Vrakë, Malësi e Madhe.
Ky shtetas u kap në flagrancë në aksin rrugor Shkodër – Hani Hotit, në vendin e quajtur Vukpalaj, Malësi e Madhe, duke transportuar me një automjet, 7 shtetas të huaj, emigrantë të paligjshëm, të cilët dyshohet se po i transportonte në afërsi të kufirit me Malin të Zi, me destinacion final vendet e BE-së.
Materialet iu referuan Prokurorisë së Rrethit Gjyqësor Shkodër, për veprën penale “Dhënie ndihmë për kalim të paligjshëm të kufirit”.
