Një ngjarje e rëndë ka ndodhur pak më parë në Yzberisht të Tiranës. Bëhet e ditur nga një njoftimi i policisë se një 30-vjeçar është hedhur nga pallati ku jetonte. Ngjarja ka ndodhur rreth orës 18:50 të pasdietes së sotme. Personi që ka kryer aktin ekstrem mësohet të jetë i riu me iniciale L.M. Ende nuk dihen arsyet që e kanë shtyrë 30-vjeçarin të hidhet, por dyshimet para të policisës janë se ai vuante nga probleme të shëndetit mendor. Në njoftimin e policisë bëhet me dije se i riu është dërguar menjëherë në spital dhe tashmë ndodhet nën kujdesin e mjekëve. Nuk janë bërë ende të ditura detaje për gjendjen e tij. Policia ndodhet në vendngjarje dhe po kryen hetimet e nevojshme për të zbardhur rrethanat që e shtynë L.M. të hidhet nga pallati.
Njoftimi i plotë i policisë së shtetit:
Tiranë/Informacion paraprak
Më datë 01.02.2021, rreth orës 18:50, në Yzberisht, dyshohet se është vetëhedhur nga lartësia e pallatit ku banonte shtetasi L. M., rreth 30 vjeç, i cili u dërgua menjeherë në spital, dhe ndodhet nën kujdesin e mjekëve.
Grupi hetimor ndodhet në vendngjarje dhe po punon për sqarimin e ngjarjes, ku paraprakisht dyshohet se shtetasi L. M., vuan nga probleme të shëndetit mendor.
