67-vjeçari Ilirian Merdanaj ka ndërruar jetë gjatë mesnatës pas aksdientit të ndodhur në qytetin e Fierit ditën e djeshme. Ndërkohë, bashkëshortja e tij , Gjinovefa Merdanaj është nisur drejt Tiranës për ndihmë mjeksore më të specializuar.
Pasditen e ditës se shtunë rreth orës 18:15 çifti i të moshuarve u përplas nga një mjet tip “Seat”. Ngjarja ndodhi ditën e djeshme në unazën e qytetit të Fierit në momentin që dy bashkëshortët po kalonin në vijat e bardha të rrugës. Ka qenë 30-vjeçari me inicialet L.B ai që ka aksidentuar të moshuarit me veturën e tij.
Shtetasi L.B u ndalua menjëherë nga policia ndërsa dy të plagosurit u nisën me urgjencë drejt spitalit Rajonal të Fierit. 67-vjeçari Ilirian Merdanaj nuk ka mundur t’i mbijetojë plagëve të shkaktuara nga aksidenti dhe megjithë ndërhyrjen e mjekëve ai ka ndërruar jetë në spital gjatë mesnatës. Bashkëshortja e tij, Gjinovefa Merdanaj është duke marrë trajtimin e nevojshëm.
Një tjetër aksident ndodhi ditën e sotme në vend, ku në aksin Librazhd-Elbasan u përplasën tri vetura. Si pasojë e aksidentit mbetën të plagosur dy persona të cilët fatmirësisht janë jashtë rrezikut për jetën. Policia ne vendngjarje është duke punuar për të përcaktuar shkaqet dhe rethanat e aksidentit qe ndodhi.
