Dita e sotme do të sjellë një ulje të lehtë të temperaturave të ajrit që do të variojnë edhe në shifra negative. Gjithashtu priten reshje shiu në disa zona të vendit.
Moti për ditën e sotme, e diel 31 janar 2021, pritet të jetë me vranësira mesatare që do të pasohen nga reshje shiu dhe rrebeshe të përqëndruara kryesisht në zonën perëndimore me aktivitet kryesor në pjesën e dytë të ditës . Era do të jetë në drejtim Jug-Lindje me një shpejtësi deri në 10-15 m/sek në bregdet. Valëzimi do të jetë i forcës 5 balle me lartësi vale 1.5 deri në 2.0 metër në det hapur. Temperaturat do të jenë me rritje për shkak të masave ajrore të ngrohta nga mesdheu.
Ditën e sotme vranësirat e shpeshta që do të përfshijnë vendin tonë, do të sjellin reshje të pakta gjatë paradites. Ndërsa në orët e mesditës dhe gjatë pasdites vranësirat do të zhvillohen duke sjellë reshje me intensitet mesatar në territor, por në zonën në veriperëndim dhe juglindje, reshjet herë pas here do të jenë edhe me intensitet të lartë.
Në mëngjes temperaturat e ajrit do të mbeten konstante, por do të ulen në mesditë duke u ne luhatur vlerat ditore nga -2°C deri në 12°C.
