Menaxheri i Chelsea, Thomas Tuchel shpreson që klubi dhe tifozët e tyre do të qëndrojnë të bashkuar pas shkarkimit të Frank Lampard. Ish-shefi i Paris St-Germain u emërua pasi legjenda e klubit Lampard u shkarkua të hënën. Tuchel mori drejtimin e barazimit të së Mërkurës 0-0 me Wolves por u prezantua zyrtarisht për media të Enjten.
I pyetur nëse ai ndjente që tifozët mund të shfaqnin zemërim për shkarkimin e Lampard, ish-menaxheri i Borussia Dortmund tha: “Shpresoj jo sepse do të ishte e vështirë për ekipin. Tifozët janë kaq afër dhe janë prapa ekipit, kjo bën një ndryshim të madh,” shtoi Tuchel.
“Unë e di se ishte një zhgënjim i madh për fansat që Frank u shkarkua dhe unë kam respektin më të madh. Unë isha një tifoz i madh i Frank si lojtar. Klubi ma bëri të qartë se ky nuk është faji im, unë nuk mund ta ndryshoj situatën për të. Vendimi u mor dhe mua m’u dha mundësia.”
Tuchel zbuloi se ai kishte marrë një mesazh nga Lampard, i cili ishte përgjegjës në Stamford Bridge për 18 muaj para shkarkimit të tij.
Detyra e menjëhershme e menaxherit të ri do të jetë të përmirësojë pozicionin e një klubi që është i teti në Premier League pasi ka shpenzuar më shumë se 220 milion £ gjatë afatit kalimtar të verës. Tuchel, i cili fitoi titullin francez dy herë në PSG para se të shkarkohej në dhjetor, tha se ishte një zgjedhje “e lehtë” për t’u bashkuar me Chelsea.
