Mario Metaj ishte shqiptari që u vra mbrëmjen e së hënës në Patras të Greqisë. Një 31-vjeçar është arrestuar për krimin në fjalë dhe pritet të dalë nesër para gjykatës. I arrestuari i ka mohuar akuzat për vrasje dhe duke e hedhur fajin mbi dikë tjetër.
31-vjeçari ka pretenduar se së bashku me 26-vjeçarin shqiptar A.M është sulmuar pa arsye nga 4 persona me të cilët nuk kishte pasur probleme. Ndërkohë, 26 vjeçari A.M është shpallur në kërkim nga policia si personi që qëlloi me një plumb në kokë Metajn
Gjithashtu i arrestuari ka dëshmuar në polici se Metaj ka thyer xhamin e makinës dhe e ka sulmuar me kaçavidë para se të qëllohej. 31-vjeçari ka pretenduar se ka qenë A.M që u gjend në makinë dhe qëlloi dy herë në ajër për të paralajmëruar 4 personat të largohen.
Në dëshminë e tij, i arrestuari ka rrëfyer se nga skena e krimit është larguar i plagosur dhe ka vrapuar në zonën e Hagia Sophia e më pas është strehuar në një dyqan.
Në lokal ai u njoh nga vëllai i viktimës i cili e ka dhunuar në mënyrë brutale. Mësohet se kjo përfundoi pasi në dyqan mbërriti një klient. 31-vjeçari thotë se nuk kanë qenë në vendngjarje kur Metaj është qëlluar e madje nuk i ka dëgjuar të shtënat.
