Kritiku i presidentit rus dhe opozitari Alexey Navalny do të mbetet në burg. Kështu ka vendosur një gjykatë në Rusi, duke refuzuar apelimin që u bë kundër mbajtjes së tij në qeli. Vetë Navalny është shprehur se ky vendim ishte i pritshëm.
Opozitari rus, Navalny u arrestua në 18 janar dhe do të mbahet në burg për 30 ditë pasi shkeli afatet e vendosura për t’u kthyer në Rusi. Navalny ishte duke u kuruar në Gjermani pasi helmimit të tij në dhjetor me agjentin nervor Novichok. Navalny mund të dënohet përfundimisht me burg pasi ka shkeluar dënimin me kusht dhe ndaj tij ka raste të hapura ligjore. Vetë 44-vjeçari ka kërkuar lirmin duke thënë se arsyet për të cilat po mbahet i burgosur janë krejtësisht politike.
“Ne nuk do të lejojmë kurrë që këta njerëz të konfiskojnë dhe vjedhin shtetin tonë. Po, forca e madhe është në anën tuaj tani. Mund të më lidhni duart tani. Mirëpo ne nuk do të lejojmë të vazhdojë kjo gjë”, është shprehur ai para vendimit.
Mësohet se avokatët e Navalny-t do e apelojnë çështjen ndërsa ai vetë mësohet t’i ketë thënë gjyqtarit para vendimit se gjithçka ka qenë e qartë për të që para nisjes së gjyqit. Aleatët e tij Navalny-t kanë paralajmëruar protesta ndërsa perëndimi ka kërkuar lirimin e tij.
