Një shqiptar, i cili është dënuar me 27 vite burg në Angli, për trafikim të lëndëve narkotike, përdor ilegalisht telefon.
E përditshmja britanike Telegraf shkuan se bëhet fjalë për shqiptarin me origjinë nga Shkodra ,Valjet Pepaj. Sipas Telegraf, kjo është një tallje e madhe e sistemit të burgjeve nga ky shqiptarë i dënuar për trafikun e një sasie të madhe heroine.
Pepaj jo vetëm fliste ma familjarët, por kishte hapaur profile në rrjetet sociale ku fliste me gra të ndryshme dhe të cilave u tregonte se për katër vite do të dilte nga burgu.
Shqiptari publikonte foto nga burgu me rrobe të ndryshme.
Valjet Pepaj, u dënua në 2018 pasi pranoi akuzat për trafik të 50 kg drogë me vlerë 2 milion stërlina. Pepaj ishte kreu një organizate kriminale shqiptare që po përpiqej të shtrinte influencën e vet në tregun e drogës.
Në procesin e zhvilluar ndaj bandës së Pepajt u akuzuan 4 persona, 2 prej të cilëve shqiptarë, të përfshirë në shpërndarjen e një sasie kokaine dhe heroine Ata janë dënuar me një total prej 67 vitesh burg në Britaninë e Madhe.
Arrestimi
Hetimi nisi më 25 Janar 2017, kur oficerët dëshmuan shkëmbimin e një çante që mbante 7 kilogramë heroinë mes shqiptarit Valjet Pepaj, i identifikuar si koka e grupit të organizuar kriminal dhe Yassir Thamer, një korrier.
Policia ndaloi më vonë automjetin me të cilin po transportohej droga me vlerë 687,100 paund dhe arrestoi Thamer.
Më 15 Shkurt 2017, Bastri Nuhi u pikas teksa po drejtonte një kamion për t’u takuar me Pepajn në Northampton. Pepaj u pa teksa i dha një çantë të madhe Nuhit, në të cilën ndodhej një sasi e madhe parash, që besohej se vinte nga shitja e drogës.
Më 21 Shkurt 2017, Pepaj dhe Edi Vyzaj, një prej korrierëve më të besuar të rrjetit të shpërndarjes së drogës, u pa duke u takuar me një kamion maqedonas, që drejtohej nga Gafur Salih në Hemel Hempstead, ku ata transferuan një çantë të madhe në një makinë Hyundai.
Të nesërmen, oficerët e panë Pepajn duke drejtuar të njëjtën Hyundai në një adresë në Barnet. Sëbashku me të udhëtonte edhe Vuzaj. Pepaj më pas e mori çantën dhe e futi në një makinë Golf.
Policia e ndaloi këtë makinë, që drejtohej nga Lajdon Vengo, pak më vonë. Brenda çantës u zbuluan 7 kilogramë kokainë e cilësisë së lartë.
Më 21 Mars dhe 28 Mars 2017, Nuhi u takua me Pepajn pranë Dover në Kent dhe në Boreham në Essex. Në të dyja rastet Pepaj u pa teksa i dorëzonte një çantë Nuhit, në të cilën ndodhej një sasi e madhe parash, që vinte nga shitja e drogës.
Më 7 Prill 2017, Pepaj dhe Vyzaj u panë teksa u takuan me një kamion maqedonas në Hemel Hempstead, që drejtohej nga një bashkëpunëtor i Salih dhe Nuhit. Përpara se të takohej me Pepajn dhe Vyzaj, shoferi u takua me Nuhin në Folkestone Services, në Kent. Ata u panë duke marrë dy çanta të mëdha.
Policia e ndoqi makinën deri në shtëpinë e Vyzajt në rrugën Church Hill dhe i ndaloi të dy personat. Oficerët kontrolluan makinën dhe zbuluan se brenda dy çantave ndodhej një sasi prej 28 kilogramë kokainë.
Në këtë pikë policia kishte siguruar një urdhër për të kontrolluar shtëpinë e Vyzajt, ku gjeti pajisje të ndryshme që përdoreshin për paketimin dhe shitjen e drogës. Në një dhomë gjumi ku flinte Rezart Pepaj, u gjetën dokumente që e lidhnin këtë të fundit me një makinë Mercedes. Ajo ishte e parkuar jashtë dhe u kontrollua nga oficerët e policisë. Ata gjetën 2 kilogramë të tjerë kokainë brenda saj.
Dënimet
Gjykata e Harrow dha dënimet për të pandehurit si më poshtë:
Shqiptari Valjet Pepaj, 28 vjeç, u dënua me 27 vjet burg.
Edi Vyzaj, 30 vjeç, gjithashtu shqiptar u dënua me 18 vjet burg.
Gafur Salih, 47 vjeç, shqiptar me shtetësi maqedonase u dënua me 22 vjet heqje lirie. /Gazetareforma.com/
