Ambasadorja e SHBA në Tiranë, Yuri Kim, përsërit mesazhin e saj për krerët e partive politike në vend, për zgjedhjet e 25 prillit. Ajo risjellë në kujtesë një mesazh të muajve më parë, ku iu bën thirrje atyre të mos promovojnë korrupsionin.
Numërimi mbrapsht ka nisur dhe kur mbeten edhe se 93 ditë nga zgjedhjet e 25 prillit, forcat politike në Shqipëri po nxitojnë të prezantojnë kandidatët për deputetë. Në këtë fillim zgjedhjesh, ambasadorja e Shteteve të Bashkuara të Amerikës në vendin tonë, Yuri Kim u kërkon partive të mos vendosin në lista persona me probleme me ligjin.
Kim ka rishpërndarë një mesazh të 22 korrikun e kaluar me një tjetër mesazh.
“Paralajmërim: Ndërsa partitë përgatiten për zgjedhjet, udhëheqësit do të mbajnë përgjegjësi për ata që garojnë nën flamurin e tyre. Ju lutemi kontrolloni kandidatët tuaj – mos fyeni votuesit, mos minoni demokracinë, mos promovoni korrupsionin”, është paralajmërimi i Kim i bërë në korrik 2020.
“Nëse doni të dini nëse ky paralajmërim mbetet i vlefshëm, kjo është ajo që Tony Blinken, i nominuari i Presidentit Biden për Sekretar i Shtetit, tha në seancë para Senatit: “Ne duam të lartësojmë punën në luftimin e korrupsionit”, shkruan Kim duke ripublikuar mesazhin e 22 korrikut.
Sipas Kodit Zgjedhor, ligji i dekriminalizimit vepron edhe ndaj kandidateve per deputetë të cilët plotësojnë në KQZ formularin perkatës. /Gazetareforma.com/
