Ish-banori i “Big Brother”, Damiano Agalliu, ka sulmuar virtualisht ditën e djeshme Melisën, autoren e programit, Olsa Muhametin dhe moderatoren Bora Zemani. Damiano i ka dalë në mbrojtje Ledjanës, që vendosi ditën e djeshme të bënte një pauzë nga programi. Ai shprehet se Ledjana është ofenduar në mënyra të ndryshme dhe se nuk e kuptoi përse duhej t’i kërkonin falje pasi e kanë sulmuar gjithë kohën.
“Është ofenduar pikërisht nga ato vajza që janë ofenduar më parë dhe kanë përjetuar se si ndihesh në të tilla momente dhe duhej pikërisht këto vajza t’i bënin një mikpritje që të ndihej komode. Mos dilni me statuse të tilla ‘të mbrojmë femra femrën’ sa për like dhe sy e faqe, sepse praktika ju përgënjeshtron”, shkroi Damiano dhe këto fjalë dukshëm i drejtoheshin Melisës.
Melisa reagoi menjëherë pas statusit të tij, duke u shprehur se ai është i pari që nuk duhet të flasë, sepse ai vetë ka dalë nga një “reality show” si “Big Brother”. Melisa e ka pyetur Damianon se mos ndoshta ai doli dhe foli kundra saj, vetëm se nuk i pranoi “follow” në Instagram. Ndërkohë ajo shton se ai e ka përdorur emrin e Melisës për vëmendje dhe për të shtuar numrin e ndjekësve.
“E kuptoj që paske nevojë të përmendësh edhe ti emrin Melisa për pak vëmendje dhe më bëhet qejfi që po e arrin. Prandaj thashë të të ndihmoj dhe unë në këtë pjesë, duke të dedikuar këto story, meqë po e vuan shumë me sa po shoh”, shkruan Melisa.
Damiano nuk i ka pritur fare mirë këto fjalë dhe i është përgjigjur Melisës flakë për flakë. Ai shkruan se ajo nuk mundet ta konsiderojë veten VIP, kur dalin në emisione me veshje fallco apo të marra borxh.
“Aman se më vjen për të vjellë kur lexoj të tilla gjëra. ‘Duan famë nga unë, duan vëmendje etj’. Ju dh****sha mu në famë e follow, se po vini në studio me rrobat e marra borxh nga storyt që bëni reklamë. Dhe bukën e hani me story nëpër restorantet ku vini, mbetët duke bërë reklama për xhupa fallco me 10 euro dhe mos vazhdojmë me giveaway-t që ju çani kokën njerëzve aman like dhe koment për 100 euro të qelbura… Kjo është fama? Apo VIP-llëku? Fama e imja apo e juaja që dilni nga një reality show është vetëm 3 muaj kaq, ‘famë’ momentale”, shkruan Damiano.
/Iconstyle.al/
