Ditën e sotme kuvendi është thirrur për sesionin e ri parlamentar dhe të fundit sa i përket këtij mandati.
Kryeministri Edi Rama në fjalën e tij është shprehur se Shqipëria ka arritur marrëveshje me Pfizer për 500 mijë doza, por që ka mundësi të negociojë edhe me kompani të tjera.
“Pfizer për 500 mijë doza dhe në kontratën e nënshkruar pak më parë pas një negociate jo të lehta është marrë parasysh edhe nevoja potenciale e mëtejshme, sepse qëllimi ynë ka qenë që të sigurojmë fillimisht një sasi vaksinash për një pjesë të procesit të vaksinimit duke pasur parasysh raportin e sasisë me kalendarin e planit kombëtar të vaksinimit dhe duke mos harruar se ndërkohë janë një sërë vaksinash të tjera qoftë ato që tani më presin me ditë apo qoftë vaksina AstraZeneca që është aprovuar në Mbretërinë e Bashkuar dhe pret aprovimin në nivelin Evropian qoftë edhe vaksinat që janë në dalje e sipër. Është shumë e rëndësishme të kihet kjo parasysh pasi do të ishte e nxituar që të merrnin të gjithë sasinë e nevojshme të vaksinave menjëherë duke pasur parasysh edhe çmimin që është fiks dhe i panegociueshëm për asnjë nga vendet. Pra nga njëra anë ne kemi siguruar marrëveshje me Pfizer për doza të mëtejshme nëse kështu do të gjykohet në vijim dhe nga ana tjetër i kemi lënë vetes hapësirë për të bërë marrëveshjet e duhur në kohën e duhur për negociata të tjera”, tha Rama.
