Një ngjarje e rëndë ka ndodhur ditën e sotme në qytetin e Prizrenit. Mësohet se pas një sherri mes disa të rinjve, njëri prej tyre ka goditur viktimën me iniciale L.B me një mjet të mprehtë, thikë. Për shkak të plagëve të marr 15-vjeçari ka ndërruar jetë. Përleshja ka nisur ndërmjet pesë personave në Prizren, në rrugën “Ylber Fanaj”, por përleshja fizike ka qenë fatale për 15 vjeçarin. Ndërkaq i mituri që goditi bashkëmoshatarin e tij bashkë me të rinjtë e tjerë të gjithë të mitur janë shoqëruar në komisariat dhe po merren në pyetje nga autoritetet përkatëse.
“Sot, rreth orës 10:00 në rrugën “Ylber Fanaj” në Prizren, pas një përleshje ndërmjet pesë personave të mitur, njëri nga të miturit e ka goditur viktimën L.B., me një mjet të prehtë, përkatësisht thikë, duke i shkaktuar lëndime serioze dhe për pasojë viktima ka ndërruar jetë”, thuhet në njoftimin e policisë.
Policia dhe prokurori i shtetit kanë kryer edhe ekzaminimin e vendit të krimit. Viktima me urdhër të prokurorit dërgohet për ekzaminimin në Institutin e Mjekësisë Ligjore në Prishtinë për obduksion. Rasti është duke u hetuar nga njësia hetimeve rajonale në Prizren dhe pritet të zbulohen shkaqet e kësaj përleshjeje që agravoi në përdorimin e thikave.
