Pas reshjeve të shiut, dëborës e ngricave, Bashkia e Pukës ka dhënë një njoftim shumë të rëndësishëm për shoferët që përdorin sëgmentin rrugor Kryqëzim Hadroi – Gjegjan – Mirditë, duke njoftuar se qarkullimi në këtë rrugë do të pezullohet përkohësisht.
Në njoftim thuhet se bashkia Pukë ka vendosur ndërhyrjen për evitimin e rrezikut sa të jetë e mundur, duke bërë shembjen e një pjese shkëmbore që rrezikon rënien.
Ndaj nesër nga ora 11:00 -13:00 aksi rrugor Kryqëzim Hadroi – Gjegjan – Mirditë do të jetë i bllokuar.
Njoftimi i bashkisë Pukë:
PËR PEZULLIMIN E PËRKOHSHËM TË QARKULLIMIT NË RRUGEN E GJEGJANIT
Nisur nga rrezikshmëria me të cilen po përballen përdoruesit e segmentit rrugor nacional, Kryqëzim Hadroi – Gjegjan – Mirditë, bashkia Pukë ka vendosur ndërhyrjen me forcat e veta për evitimin e rrezikut sa të jetë e mundur. (Shembjen e një pjese shkëmbore që rrezikon rënjen)
Për këtë qëllim, nesër, e Hënë, datë, 18.01.2021, aksi rrugor Kryqëzim Hadroi – Gjegjan – Mirditë do të jetë i bllokuar nga ora 11:00 -13:00.
Janë të lutur të gjithë përdoruesit e këtij segmenti rrugor të na mirkuptojnë me qëllim shmangien e rrezikut nga rënia e vazhdueshme e gurëve dhe pjesëve të tjera shkëmbore.
Edhe pse kjo ndërhyrje nuk është detyrim i bashkisë Pukë përshkak se segmenti është në inventarin e ARRSH, ndërhyrja realizohet me vendim të kreut të bashkisë Pukë, z.Gjon Gjonaj, nisur nga ankesat e shumta të qytetarve të kësaj zone dhe rrezikun që kanoset në këtë pjesë territorjale në juridiksionin e bashkisë Pukë.
Ju faleminderit për mirkuptimin!/Gazetareforma.com/
