Ministrja e Arsimit, Sportit dhe Rinisë, Evis Kushi, duke marrë shkas nga situata pandemike por edhe nga temperaturat e ulëta që kanë “pushtuar” vendin ditët e fundit, ka komunikuar në urdhër të ri përsa i takon mbarëvajtjes së nxënësve të ciklit parauniversitar në shkolla.
Në urdhërin e ri Ministria Kushi kërkon nga institucionet që ajrosja e shpeshtë e sallave të mësimit do të sillte më shumë siguri të shëndetit të nxënësve dhe stafit akademik. Ajo ka urdhëruar ajrosje deri në 6 herë të klasave gjatë periudhës së mësimit.
Kujtojmë se pas pushimeve të fundvitit, nxënësit iu rikthyen auditoreve më 11 janar, ku mësimi bëhet me turne dhe online.
“Shëndeti i nxënësve dhe stafit mësimor është prioritet kryesor i Ministrisë së Arsimit, Sportit dhe Rinisë.
Prandaj, duke marrë shkas nga temperaturat e ulëta në të gjithë vendin, si dhe shqetësimet e drejta të prindërve, ndjejmë të nevojshme të nënvizojmë se Udhëzuesi për fillimin e vitit shkollor 2020-2021, në respekt të udhëzimeve të MSHMS, duke marrë parasysh edhe ndyshimet e temperaturave sipas stinëve, nuk kërkon në mënyrë absolute mbajtjen hapur gjatë gjithë kohës të dritareve, por lejon edhe ajrosjen e klasave disa herë gjatë ditës. Më saktësisht, në të shprehet qartë se: “DRITARET DUHET TË MBAHEN TË HAPURA OSE TË PAKTËN TË AJROSEN 5-6 HERË GJATË KOHËS SË MËSIMIT”.
Prandaj kërkojmë nga të gjitha Institucionet Arsimore që të kenë në vëmendje zbatimin e këtij udhëzimi, duke u kujdesur maksimalisht edhe për mbajtjen e një temperature konstante në klasë, me qëllim mbrojtjen e shëndetit të nxënësve dhe mësuesve”, ka shkruar ministrja Kushi në faqen zyrtare në rrjetin social “Facebook”./Gazetareforma.com/
