Ekstradohet nga Kosova Indrit Taullai ish anëtar i Bandës së Durrësit, i arrestuar në Kosovë më 6 dhjetor 2020. Ai akuzohet nga SPAK për vrasjen e Klodian Saliut dhe si organizator për ekzekutimin e Vajdin Lamaj, dhe mikut të tij Artan Arsi, ngjarje të ndodhura në 26 dhe 27 shkurt të 2005.
Ky shtetas ishte shpallur në kërkim, pasi Gjykata e Posaçme e Shkallës së Parë për Korrupsionin dhe Krimin e Organizuar Tiranë, me vendimin penal të datës 02.12.2020, i ka vendosur masën “Arrest në burg” për konsumimin e veprave penale “Vrasja me paramendim e kryer në bashkëpunim në formën e grupit të strukturuar kriminal”, “Mbajtja e paligjshme e armëve të zjarrit, me pasoja të rënda”, “Grupi i strukturuar kriminal”, “Vrasja në rrethana të tjera specifike ndaj dy ose më shumë personave, kryer në bashkëpunim në formën e grupit të strukturuar kriminal.
Pas arrestimit në një qendër tregtare, ai u mbajt në paraburgim në Prizren. Gjykata e Prizrenit kishte vendosur 40 ditë burg për Indrit Taullain, në pritje të ekstradimit.
Ish-anëtari i bandës së Durrësit u arrestua në Kosovë në fund të dhjetorit, me urdhër të Prokurorisë së Posaçme Anti-korrupsion, SPAK, si pjesë e një grupi të strukturuar kriminal, ku akuzohet edhe për vrasje si ekzekutor. /Gazetareforma.com/
