Një shkëmbim me arme zjarri ka tronditur sot Athinën, ku raportohet për një të vdekur dhe tre të plagosur, për të cilën thuhet se janë shqiptarë. Mediat greke raportojnë se viktima dhe një i plagosur rëndë, janë babë e bir, ndërsa nuk dihet ende identiteti i tyre.
Ngjarja është regjistruar në sheshin Agios Sostis. Raportohet se autorët kanë qëlluar nga brenda një makinë dhe më pas kanë ikur. Po ashtu raportohet se i plagosur lehtë ka mbetur punonjësi i kafenesë. Aktualisht policia ndodhet në vendin e ngjarjes, ndërsa vijojnë kërkimet për kapjen e autorëve të krimit.
Si ndodhi ngjarja
Sipas informacionit, është vrarë në vend babai i cili u përpoq të ndërhynte dhe djali i tij u plagos rëndë. Sherri ka qenë për mosmarrëveshje mbi një borxh të vjetër, e gjithë ngjarja u zhvillua në sheshin Agios Sostis.
Rezultati i të shtënave me armë është: një i vdekur dhe tre të plagosur, njëri prej të cilëve është në gjendje kritike dhe fillimisht u konsiderua i vdekur. Të përfshirët në incident me shkëmbim zjarri midis tyre, ndoshta janë shqiptarë, shkruan Protothema.
Informacioni i parë thotë se kishte një përplasje midis të huajve dhe një breshëri me të shtëna. Një prej të përfshirëve, në fakt, dyshohet se u përpoq të gjente strehë në një kafene në Sheshin Agios Sostis ku u qëllua dhe sipas të njëjtave raporte ai ka vdekur. Siç u përmend, në fakt, ky burrë është babai i një prej të rinjve që u sulmuan nga të rinj të tjerë, ndërsa i plagosuri shumë rëndë thuhet se është djali i tij, i moshës rreth 25 vjeç. I plagosur, lehtë, është punonjësi i kafenesë në të cilën ishte strehuar një prej viktimave të plumbave. Policia po kërkon një automjet me të cilin dyshohet se kanë ikur persona të armatosur që morën pjesë në përleshjen e përgjakshme.
https://youtu.be/yg83X2dF5Hw
