Për shkak të reshjeve të dendura të shiut dhe prurjeve të mëdha, edhe Lumi i Erzenit ka kapërcyer argjinaturat dhe ka dalur nga shtrati. Si pasojë janë përmbytur me dhjetëra hektarë tokë në disa zona të Sukthit.
Duke qenë se lumi ka dalë nga shtrati, janë lajmëruar me urgjencë të gjithë banorët e këtyre zonave dhe kësaj njësie administrative që të evakuuohhen menjëhëerë, si dhe të marrin gjënë e gjallë dhe sendet me vlerë, pasi mund të pësojnë përmbytje.
Bëhet me dije se këtë lajm urgjent e ka bërë kryetari i njësisë administrative Rrapo Osmani. Përmes një postimi në rrjetin social Facebook, kreu i kësaj njësie administrative, ka shkruar se janë evakuuar banorët e shtëpive që mund të pësojnë përmbytje.
Kujtojmë se për shkak të motit të keq në shumë zona të vendit ka patur probleme, rrëshqiptje dherash, përmbytje, bllokime aksesh apo dalje lumenjsh nga shtrati. Situata sa vjen e bëhet më alarmante, pasi IGJEUM-i ka parashikuar një mot të tillë edhe për ditët në vijim.
Postimi i plotë:
Lajmërohen të gjithë banorët e Njësisë Administrative Sukth që kanë banesat pranë lumit Erzen apo që janë prekur edhe herë të tjera nga dalja e lumit Erzen, të marrin masa për të evakuuar njerëzit dhe gjënë e gjallë, etj, për t’i siguruar në rast përmbytjeje.
Rrapo Osmani 0684513088
Aurel Alimadhi 0674314413
Gjerg Gërco 068 2977877/Gazetareforma.com/
