Protestat e dhunshme në SHBA ku mbetën të vrarë 4 persona në godinën e Kongresit amerikan Capitol Hilli, ku po mbahej edhe votimi për certifikimin e fitores së zgjedhjeve nga Joe Biden, duket sikur janë parashikuar shumë vite më parë.
Fotografitë dhe videot e protestës së dhunshme dhe çarjes së kordonit policor e futjes brenda në godinën e Kongresit nga ana e mbështetësve pro-Trump, janë bërë virale në internet.
Mirëpo përveç kësaj, disa përdorues të internetit pohuan se një situatë e tillë mund të jetë parashikuar shumë kohë më parë nga seriali i animuar “The Simpsons”.
Një përdorues i rrjetit social twitter ka shpërndarë në faqen e internetit një video nga një prej episodeve të Simpsons, ku pretendohet se kanë parashikuar trazirat e djeshme në Kapitol Hill. Sekuenca është nga episodi 18 i sezonit të 7-të të serialit i cili quhet Dita e Dhunës.
Po ashtu në episod tregohen personazhe, duke sulmuar kryeqytetin e Uashingtonit dhe duke mbajtur armë, madje edhe bomba.
Disa përdorues të tjerë të twitter shpërndanë në internet skena nga një episod në të cilin ndodh një shpërthim në Kapitol, ku ndër të tjera ndërtesa mund të shihet duke u djegur, dhe kështu përdoruesit e internetit pretenduan se Simpsons kishte parashikuar edhe këto trazira.
Të tjerë përdorues në internet bënë virale në rrjet edhe parashikimin e Simpsons për 20 janar 2021. Kjo është data zyrtare për inaugurimin e Presidentit të ri të SHBA-së Joe Biden.
Imazhet e shpërndara nga përdoruesit e twitter, u morën nga episodi i The Simpsons, i quajtur Treehouse of Horror XXXI, ku tregojnë zonën e Springfield të mbytur në imazhe apokaliptike.
Shumë kospiracionistë të serialit The Simpsons, menduan se këto pamje mund të jenë një tjetër parashikim përsa i përket 20 Janarit të 2021, ditën kur do të betohet si President i SHBA-së, Joe Biden.
Kujtojmë se ditën e djeshme SHBA-ja u përfshi nga një protestë masive e thirrur nga Donald Trump në mënyrë që të ndalohej çertifikimi i votave të Kolegjit Zgjedhor.
Në protestën e djeshme, protestuesit thyen kordonin policor dhe shkatërruan çdo gjë që i doli përpara, duke u futur edhe brenda ndërtesë së Kapitolit.
Gjithashtu nga hetimet janë gjetur të paktën 2 pajisje shpërthyese që pretendohej të hidheshin në drejtim të Kapitolit. Gjatë trazirave të djeshme 4 persona mbetën të vdekur si dhe shumë të tjerë u plagosën për shkak të dhunës./Gazetareforma.com/
