Kryeministri Edi Rama pas vizitës dy ditore në Turqi, do të shkojë në Greqi. Mediat greke bëjnë me dije se Rama pas mbërritjes në Athinë do të zhvillojë takim me ministrin e Jashtëm Nikos Dendias.
Në orën 11:30 ai do të takohet Dendias dhe më pas do të shkojë në Pallatin Maximos, ku do të takohet me Kryeministrin Grek, Kyriakos Mitsotaqis.
Mësohet se çështja për të cilën do të bisedohet është është zgjerimi i ujërave territoriale Greke në detin Jon.
Kryeministri Rama është planifikuar të largohet në 15:30 nga Greqia.
Kryeministri Edi Rama gjatë vizitës dyditore në Turqi shoqërohej nga ministri Punëve të Brendshme Bledi, Çuçi, ajo e Transporteve dhe Infrastrukturës Belinda Balluku, ministria e Arsimit, Evis Kushi, zëvendës ministri i Punëve të Jashtme, Gent Tare si dhe drejtori Policisë së Shtetit, Ardi Veliu.
Në një konferencë të drejtpërdrejtë ku u nënshkruan disa marrëveshje pas vizitës së kryeministrit Edi Rama në Ankara, presidenti Erdogan e konsideroi marrëdhënien me Shqipërinë si marrëdhënie “vëllazërore” dhe marrëveshjen e nënshkruar sot si një hap përpara për bashkëpunim edhe më të ngushtë.
“Kemi nënshkruar deklaratën e përbashkët për krijimin e Këshillit të Bashkëpunimit të Lartë, deklaratë që do ta forcojë lidhjen tonë,” – tha Erdogan.
Presidenti turk kujtoi projektet si ai i ndërtimit të mbi 500 banesave në zonën e Laçit për familjet që mbetën pa strehë pas tërmetit të 26 nëntorit 2019 dhe një sërë projektesh të tjera si tregues të vullnetit dashamirës së Turqisë për Shqipërinë.
/Gazetareforma/
