Nisin zyrtarisht hetimet për trafikim fëmijësh nga Përparim Ademi nga prokuroria e Selanikut. Pasi Ademi vrau dy motrat Kristina Bardhi dhe Zhaneta Metani në zonën e Astirit në Tiranë, vëllai i tyre nxori disa të dhëna tronditëse në dritë.
Në prononcimin e tij për mediat, Bashkim Metani tha se Përparim Ademi i shfrytëzonte motrat e tij për prostitucion dhe që kishte kryer marrëdhënie intime me të dyja.
Sipas tij, ai i linte shtatzënë dhe fëmijët i shiste në Selanik të Greqisë. Metani tha se bëhet fjalë për rreth 10 fëmijë që mendohet se janë shitur përmes një avokati që kryente të gjitha procedurat.
Kreu i Prokurorisë së Selanikut, Panagiotis Panagiotopulos, urdhëroi një prokuror për të kryer një hetim në mënyrë që të qartësohen pretendimet specifike të birësimit të paligjshëm dhe nëse ka përfshirje të një grupi të organizuar.
Sipas informacioneve nga mediat greke, avokati që mendohet se është i përfshirë në këtë ngjarje nuk është gjallë, por ka ndërruar jetë.
Mediat greke kanë shkruar për vrasjen e dy motrave në Astir nga Përparim Ademi. Ata e kanë vënë theksin në trafikimin e fëmijëve, për të cilët motra dhe vëllai i Kristina Bardhit dhe Zhaneta Metanit thanë se mbi 10 foshnja janë shitur në Selanik.
Vëllai dhe motra e tyre kanë denocuar në një intervistë televizive faktin që Zhaneta dhe Kristina bënin fëmijë me Përparim Ademin dhe ky i shiste në Greqi.
Ngjarja e rëndë tronditi Shqipërinë më 31 dhjetor. Përparim Ademi vrau me armë zjarri dy motrat Kristina Bardhin dhe Zhaneta Metanin në banesën e tyre në Astir.
Vëllai i viktimave, Bashkim Metani ka thënë se i dashuri i Kristina Bardhit dhe Zhaneta Metanit ka pasur fëmijë me të dyja motrat. Ai tha se Përparim Ademi ka shitur 10 fëmijë të tyre.
Ai tha gjithashtu se motrat e tij mbeteshin shtatzënë në kohë të ndryshme, dhe fëmijët e lindur nga Zhaneta dhe Kristina janë shitur në zonën e Selanikut në Greqi.
“Motra mi ka treguar të gjitha në muajin Dhjetor, nuk i denoncova pasi ma kërkuan motrat, pasi kishin frikë se do i vriste”, është shprehur Bashkim Metani. Sipas Bashkim Metanit, kishte një avokat që ndërmjetësonte shit-blerjen e fëmijëve. /Gazetareforma.com/
