Nënkryetari i Lidhjes Demokratike të Kosovës (LDK), Agim Veliu i ka kërkuar falje Vjosa Osmanit pas deklaratës së tij ku tha se edhe po t’ia lëshonte vendin e gjithë Kryesia, Vjosa Osmanin nuk do ta nxinte, për shkak të peshës.
I ftuar në emisionin ‘Debat Plus’ ai ka thënë se është ndjerë keq për deklaratën e tij kërkon falje pasi sipas tj nuk ka dashur të lëndoj asnjë person.
“Qëllimi i deklarimit sot nuk ka qenë që ta fyejë sikurse është keqkuptu dekarata ime. Unë kam thënë që nuk e kam ditë që është aq sa t’i liroj vendin një kryesi e një subjekti politik. Nuk ka qenë qëllimi im ta fyej, gjithmonë kam folur në kontestin politik. Me thënë të drejtën jam ndje keq sepse e kam pasë edhe një pyetje a po e mendon kështu apo ashtu. Unë kam thënë nuk e mendoj në atë kuptim si më është bërë pytetja. Nëse dikush është ndjerë keq për atë deklarim unë mund të kërkoj edhe falje, nuk e kam fyer kurrë askënd në asnjë bazë”, tha Veliu në Debat Plus.
Ditën e sotme, stafi i presidentes në detyrë të Kosovës, Vjosa Osmanit, ka kërkuar shkarkimin nga detyra të ministrit të Brendshëm, Agim Veliu, pas deklaratave seksiste dhe ofenduese që ai ka bërë ndaj kryetares së shtetit në një dalje publike.
Agim Veliu në një deklaratë për media ka thënë sot se edhe po t’ia lëshonte vendin e gjithë Kryesia, Vjosa Osmanin nuk do ta nxinte. Ndërkohë pak më vonë ai tha se atë deklaratë e ka dhënë në kuptimin politik./Gazetareforma.com/
