Dy javë më parë Komiteti Teknik i Ekspertëve kufizoi orën e lëvizjeve dhe aktivitetin e bareve dhe restoranteve në kuadër të festave të fundvitit, për të parandaluar përhapjen e koronavirusit.
Komiteti vendosi që nga ora 22:00, të kufizohej lëvizja dhe aktiviteti i bareve dhe restoranteve në 20:30.
Këto masa nesër marrin fund, kështu që ora policore duke nisur nga data 4 janar, do të nisë në orën 22:00 deri në orën 6:00 të mëngjesit.
Kufizimi i aktivitetit të bareve, restoranteve, fastfood rikthehet me kufizimin e orës 22:00-06:00.
Sakaq, pritet që të mblidhet sërish Komiteti Teknik i Ekspertëve për të folur për ecurinë dhe shifart e pandemisë dhe nëse do të ketë masa të reja kufizuese apo lehtësim të tyre.
Komiteti la në fuqi deri ditën e nesërm kufizimet për masat aktuale.
“Komiteti bëri një analizë të shifrave dhe në mbledhje kemi vendosur për të vijuar këto masa. Ndalohen grumbullimet me më shumë se 10 persona. Do të vijojë kufizimi i lëvizjes nga ora 22:00 deri në orën 06:00, universitetet do të vazhdojnë online. Të gjitha këto masa do të jenë pa afat”, tha Rakacolli, kryetare e komitetit.
Ndërkohë, Tomini u shpreh se masat aktuale po japin rezultat duke sjellë një ulje të lehtë të rasteve të reja. “Vendi po vijon me intensitet të lartë me koronavirus. Incidenca vijon e lartë, kemi kaluar në 347 raste për 100 mijë banorë. Në javën e fundit, kemi një tendecë në ulje. Duhet të theksohet se Tirana mban peshën kryesore, e ndjekur nga Gjirokastra dhe qarku i Lezhës. Java e fundit ka treguar një ndikim të masave të fundit”, deklaroi në atë kohë Tomini./Gazetareforma.com/
