Gjatë ditës së sotme lëkundjet e tokës kanë tronditur Greqinë, Kroacinë dhe së fundmi edhe Italinë.
Kujtojmë se në Kroaci ditën e sotme zona e Petrinjas gjatë orës 12.19 u godit nga një tërmet i fuqishëm me madhësi 6.3 i shkallës Rihter.
Deri më tani mësohet se janë raportuar nga mediat 5 viktima mes tyre dhe fëmijë, shumë të plagosur si dhe shumë dëme materiale.
Gjitashtu edhe në ishullin e Kretës në Greqi, pati një tërmet 4.5 ballë, por pa pasojë në njerëz dhe vetëm me dëme materiale.
Ndërkohë toka është lëkundur edhe në Italinë fqinje. Duket sikur sezoni i tërmeteve nuk do ta linte pa kapur edhe rajonin sizmik të mikro-pllakes adriatike.
Sipas asaj që raporton aplikacioni i EMSC-së, lëkundjet kanë qenë të një force prej 4.4 ballësh të shkallës rihter, 22 kilometra larg qytetit të Veronës.
Mediat italiane kanë raportuar se tërmeti ka shkaktuar panik te qytetarët, ndërkohë që nuk raportohen dëme materiale apo në njerëz.
Për shkak të panikut, qytetarët kanë dalur jashtë banesave të tyre dhe edhe pse dimër, ata po qëndrojnë pranë parqeve apo zonave të hapura.
Kujtojmë se disa vite më parë një tërmet i fortë ra në L’Aquila ku mbetën të vrarë shumë persona.
Më saktësisht, tërmeti me magnitudë 6.2 shkatërroi të gjithë qytetin e l’Aquilas dhe shkaktoi vdekjen e 309 personave./Gazetareforma.com/
