Italia dhe Greqia vazhdojnë që të kenë shifra të larta të numrit të të infektuarve dhe viktimave nga covid-19.
Sipas informacioneve nga mediat italiane dhe jo vetëm, në Itali mësohet se vetëm gjatë ditës së sotme janë raportuar 18,040 raste të reja dhe fatkeqësisht kanë humbur jetën 505 qytetarë.
Bilanci i viktimave në Itali tashmë ka arritur në 70,900 persona. Ndërkohë që me rastet e sotme, që nga fillimi i pandemisë, Italia ka tejkaluar ditën e sotme mbi 2 milionë të infektuar me koronavirus.
Ndërkohë në total, raportohen 2,009,317 të infektuar, që nga fillimi i pandemisë së Covid-19.
Rajoni me më shumë raste ditore vijon të jetë ai i Venetos me 3.837 të infektuar, Lombardia 2.656 raste, Emilia Romagna 1.692, Lazio 1.519, Puglia 1.458, Campania 1.156 dhe Piemonte 1.057.
Ditën e sotme, Italia është zgjuar mes një izolimi rigoroz, të vendosur nga qeveria për të frenuar shtimin e rasteve me koronavirus gjatë festave të fundvitit.
Kujtojmë se nga sot, pra 24 dhjetor deri më 6 janar, i gjithë vendi do të përcaktohet 10 ditë si zonë e kuqe dhe 4 të tjera si zonë portokalli. Për të dalë nga shtëpitë, qytetarëve në Itali do t’u nevojitet një autorizim, ndërsa forcat e rendit kanë shtuar kontrollet në rrugë.
Gjithashtu gjatë 24 orëve të fundit në Greqi janë shënuar 55 viktima nga koronavirusi dhe 837 raste të reja.
Numri total i të infektuarvenë Greqi ka arritur në 134,235 persona, ku 52.4% e tyre janë të gjinisë mashkullore./Gazetareforma.com/
